மனதின் குதூகலம்
மழலையின் சிரிப்பு
மற்றவரின் வாழ்த்து
வாழ்க்கையில் முன்னேற்றம்
வானின் நிறமாற்றம்
வாழ்வில் அன்பின் பரிமாற்றம்
இவையனைத்தும் மகிழ்வென்பேன்
எனினும் மற்றவர் வாழ்வில்
ஒளியேற்றும் மகிழ்வே
எதனினும் தலை என்பேன்...
Saturday, April 15, 2023
தமிழ் புத்தாண்டு வாழ்த்துக்கள் 2023
சித்திரையின் பொன்மகளே
இத்தரையின் நன்மகளே - வாழ்வில்
முத்திரை பதித்திடவே - எம் மக்கள்
நித்திரை கலைத்திடம்மா...
காவிரியின் கரையிலும்
பாய்மரத்து களத்திலும்
சேய்நிலத்து மண்ணிலும்
காய்வெயில் மணலிலும்
தூய்மனத்து எம்மக்கள்
நோய்இன்றி வாழ்ந்திடவே
தாய்போல அருளம்மா..
ஆன்றோர்கள் அருளிய
ஆத்திச்சூடியும் குறளும்
ஆக்கையும் உயிரும் போல
ஆள்வோர்கள் கைக்கொள்ள
ஆசிகள் வழங்கிடம்மா...
ஈரடிக் குறளும் கீழடி குரலும்
ஓரணியாய் மா நிலத்தில்
மாட்சியோடு வாழ்ந்திருக்க
பீதக அரிசியும் வீ யும் கொண்டு
பூசை செய்கின்றோம் - எங்கள்
ஆசைகளை மெய்யாக்கம்மா...
அனைவருக்கும்
இனிய தமிழ் புத்தாண்டு
வாழ்த்துக்கள்
* பீதகம் - மஞ்சள்
* வீ - மலர்
* ஆக்கை - உடல்
Subscribe to:
Posts (Atom)